e puraanamula nenta vedikinaa

ఏపురాణముల నెంత వెదికినా ।
శ్రీపతిదాసులు చెడ రెన్నడును ॥

వారివిరహితములు అవి గొన్నాళ్ళకు ।
విరసంబులు మరి విఫలములు ।
నరహరి గొలి చిటు నమ్మినవరములు ।
నిరతము లెన్నడు నెలవులు చెడవు ॥

కమలాక్షుని మతిగాననిచదువులు ।
కుమతంబులు బహుకుపథములు ।
జమళి నచ్యుతుని సమారాధనలు ।
విమలములే కాని వితథముగావు ॥

శ్రీవల్లభుగతి జేరనిపదవులు ।
దావతులు కపటధర్మములు ।
శ్రీవేంకటపతి సేవించునేవలు ।
పావనము లధికభాగ్యపుసిరులు ॥