mangaambudhi hanumantaa

రాగం: ధర్మవతి, తాళం: ఆది

మంగాంబుధి హనుమంతా నీ శరణ ।
మంగవించితిమి హనుమంతా ॥

బాలార్క బింబము ఫలమని ప ట్టిన
ఆలరి చేతల హనుమంతా ।
తూలని బ్రహ్మాదులచే వరములు
ఓలి చేకొనినా హనుమంతా ॥

జలధి దాట నీ సత్వము కపులకు
అలరి తెలిపితివి హనుమంతా ।
ఇలయు నాకసము నేకముగా, నటు
బలిమి పెరిగితివి భళి హనుమంతా ॥

పాతాళము లోపలి మైరావణు
ఆతల జంపిన హనుమంతా ।
చేతులు మోడ్చుక శ్రీ వేంకటపతి
నీ తల గోలిచే హిత హనుమంతా ॥