అన్నమయ్య కీర్తన ఘనుడాతడే మము
ఘనుడాతడే మము గాచుగాక హరి
అనిశము నేమిక నతనికె శరణు ॥
యెవ్వని నాభిని యీ బ్రహ్మాదులు
యెవ్వడు రక్షకుడిన్నిటికి ।
యెవ్వని మూలము యీ సచరాచర
మవ్వల నివ్వల నతనికే శరణు ॥
పురుషోత్తముడని పొగడి రెవ్వరిని
కరి నెవ్వడు గాచె ।
ధర యెవ్వడెత్తి దనుజుల బొరిగొనె
అరుదుగ మేమిక నతనికె శరణు ॥
శ్రీసతి యెవ్వని జేరి వురమునను
భాసిల్లె నెవ్వడు పరమంబై ।
దాసుల కొరకై తగు శ్రీవేంకట
మాస చూపి నితడతనికె శరణు ॥
